၂၄။ အ၀ိဂတပစ္စယော

၂၄။ အ၀ိဂတပစ္စယော

 

၂၄။အဝိဂတပစ္စယော=မကင်းသည်ဖြစ်၍ ကျေးဇူးပြုတတ်သောတရား။
မဟာသမုဒ္ဒရာရေသည် မိမိကိုမှီကုန်သောငါး၊လိပ်တို့နှင့်မကင်း၊မကွာခင် ချမ်းသာစေခြင်းဖြင့် ကျေးဇူးပြုသကဲ့သို့အာဟာရသည် ဥပါဒ်၊ဌီ၊ဘင်ဟူသော လက္ခဏာငယ်သုံးချက်ချုပ်ပျောက်ခါနီးထိ အသက်ရှင်စဉ် ကာလ၌ သာ ကျေးဇူးပြုခြင်းငှာ အဝိဂတပစ္စည်းတရားကိုဟောတော်မူသည်။

 ( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၂၃။ဝိဂတပစ္စယော

၂၃။ဝိဂတပစ္စယော

 

၂၃။ဝိဂတပစ္စယော=ကင်းမဲ့ချုပ်ပျောက်သည်ဖြစ်၍ ကျေးဇူးပြုတတ်သောတရား။
နေမင်းအရောင် ကွယ်ပျောက်သွားခြင်းသည် လမင်း၏ အရောင်ကို ထွန်းလင်းစေသကဲ့သို့ လောဘ၊ဒေါသ၊မောဟ၊တရားများ ကင်းပျောက်သွားလျှင် အမှားနှင့်အမှန်ကိုခွဲခြားသိစေခြင်းဖြင့်ကျေးဇူးပြုခြင်းငှာ ဝိဂတပစ္စည်းတရားကိုဟောတော်မူသည်။
 

 ( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၂၂။နတ္ဓ္ထိပစ္စယော

၂၂။နတ္ဓ္ထိပစ္စယော

 

၂၂။နတ္ထိပစ္စယော=မရှိသည်ဖြစ်၍ မရှိမှ ကျေးဇူးပြုတတ်သောတရား။
ဆီမီးငြိမ်းသွားခြင်းသည် အမိုက်အမှောင်ကို ရခြင်းငှာ ကျေးဇူးပြုသကဲ့သို့လည်းကောင်း၊ညအခါကုန်လွန်သွားခြင်းသည် နေ့အခါ ရောက်ဖို့ရန် ကျေးဇူးပြုသကဲ့သို့လည်းကောင်း၊ရှေးရှေးစိတ်တို့ချုပ်ငြိမ်း၍ မရှိခြင်းသည် နောက်နောက်စိတ်ဖြစ်ဖို့ရန်အတွက် မရှိသောအဖြစ်ဖြင့် ကျေးဇူးပြုခြင်းငှာ နတ္ထိပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၂၁။ အတ္ထိပစ္စယော

၂၁။ အတ္ထိပစ္စယော

 

၂၁။အတ္ထိပစ္စယော=ပစ္စုပ္ပန်၌ ထင်ရှားစွာရှိဆဲဖြစ်၍ ကျေးဇူးပြုတတ်သောတရား။
မြင်းမိုရ်တောင်မင်းသည် မိမိထင်ရှားရှိခိုက် မိမိကို အမှီပြုနေသော မြက်၊သစ်ပင်စသည်တို့အား ပြန့်ပွားစေခြင်းငှာ ကျေးဇူးပြုသကဲ့သို့လည်းကောင်း၊အစားအသောက်အာဟာရတွေ ဗိုက်ပြည့်ဝအောင်သုံးဆောင်ခြင်းသည် လောလောလတ်လတ် ထင်ရှားရှိဆဲ ခန္ဓာကိုယ်ကိုတည်တံ့တိုးပွားအောင် အကျိုးပြုစေသကဲ့သို့ မြေ၊ရေ၊မီး၊လေ ဟူသောမဟာဘုတ်တရားတို့သည် ထိုတရားကို ချယ်လှယ်သော ရုပ်တရားတို့အား ထင်ရှားရှိခိုက် ကျေးဇူးပြုခြင်းငှာ အတ္ထိပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၂၀။ ၀ိပ္ပယုတ္တပစ္စယော

၂၀။ ၀ိပ္ပယုတ္တပစ္စယော

 

၂၀။ဝိပယုတ္တပစ္စယော=အတူတကွ မရောစပ် မယှဉ်စပ်သည်ဖြစ်၍ ကျေးဇူးပြုတတ်သောတရား။
ချို၊ချဉ်၊စပ်၊ဖန်၊ခါးဟူသော ခြောက်ပါးသော အရသာသည် ရောထားသော်လည်း အချင်းချင်း မနှီးမနှော မရောမပြွမ်းသောအားဖြင့် ကျေးဇူးပြုသကဲ့သို့လည်းကောင်း၊နေမင်းသည် သမုဒ္ဒရာနှင့်မရောမစပ်သော်လည်း မိုးရွာခြင်းဖြင့် ကျေးဇူးပြုသကဲ့သို့ မျက်စိ၊နား၊နှာခေါင်း၊လျှာ၊ကိုယ်၊နှလုံးအိမ်ဟူသော ရုပ်တရားတို့သည် နာမ်တရားများနှင့် မရောစပ်ဘဲ တစ်မျိုးစီသာ အာရုံပြုခြင်းဖြင့် ကျေးဇူးပြုခြင်းငှာ ဝိပ္ပယုတ္တပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၁၉။ သမ္ပယုတ္တပစ္စယော

၁၉။ သမ္ပယုတ္တပစ္စယော

 

၁၉။သမ္ပယုတ္တပစ္စယော=အတူတကွယှဉ်ပြီး ရောစပ်နေသည်ဖြစ်၍ ကျေးဇူးပြုတတ်သောတရား။
နှင်းဆီ၊ထောပတ်၊ပျားရည်၊သကာရည်၊(နို့ရည်)ဟူသော စတုမဓူသည် အရသာလေးမျိုးကို တစ်ခုစီခွဲခြား၍ မရအောင် ရောစပ်ခြင်းဖြင့် စိတ်၊ဖဿ၊ဝေဒနာ၊သညာဟူသော ခံစားမှု၊မှတ်သားမှုစသော နာမ်တရားများသည် အာရုံတစ်ခုကို ခံစားလျှင် အတူတူယှဉ်ပြီး တစ်ပြိုင်နက်တည်းဖြစ်ကြကာ တစ်ခုစီခွဲခြား၍ မရနိုင်အောင် ရောနှောပေါင်းစပ်ခြင်းဖြင့် ကျေးဇူးပြုခြင်းငှာ သမ္ပယုတ္တပစ္စည်းတရားကို ဟောတော်မူသည်။
( ဒေါက်တာအရှင်ကောဝိဒစာရ )

 

 

Photo Credit to

(http://www.auntytint21183.net/)

၁၈။ မဂ္ဂပစ္စယော

၁၈။ မဂ္ဂပစ္စယော

၁၈။မဂ္ဂပစ္စယော=ကျွတ်လွတ်ထွက်မြောက်သော နည်းလမ်းဖြစ်၍ ကျေးဇူးပြုတတ်သောတရား

ဤမှာဖက်ကမ်းစပ်မှ ဟိုမှာကမ်းစပ်သို့ ကူးပြောင်းသွားသော ဖောင်၊ကူတို့သမားသည် ဤမှာဘက်ကမ်းစပ်မှ လွတ်မြောက်သွားသကဲ့သို့လည်းကောင်း၊သမ္မာဒိဋ္ဌိ(ကောင်းစွာသိမြင်ခြင်း)။သမ္မာသင်္ကပ္ပ(ကောင်းစွာကြံခြင်း)၊

သမ္မာဝါစာ(ကောင်းစွာပြောဆိုခြင်း)၊သမ္မာကမ္မန္တ(ကောင်းစွာလုပ်ဆောင်ခြင်း)၊သမ္မာအာဇီဝ(ကောင်းစွာအသက်

မွေးခြင်း)သမ္မဝါယမ(ကောင်းစွာအားထုတ်ခြင်း)၊သမ္မာသတိ(ကောင်းစွာအောက်မေ့သတိရှိခြင်း)၊သမ္မာသမာဓိ
(ကောင်းစွာတည်ကြည်ခြင်း)ဟူသော ကုသိုလ်မဂ္ဂင်တရား(၈)ပါးတို့သည်ကောင်းသည့် အရာဝတ္ထုမှန်သမျှကို သယ်ယူပို့ဆောင် ခေါ်ငင်သည်၏ အဖြစ်ကြောင့် ကုသိုလ်တရားများဖြစ်ပွားပြီး သံသရာဝဋ်ဆင်းရဲမှ လွတ်မြောက်ကြောင်းဖြစ်သော ဟိုမှာဘက်ကမ်းရှိချမ်းသာစစ် ချမ်းသာမှန် လှမ်းရောက်နိုင်သကဲ့သို့ ကျေးဇူးပြုခြင်းငှာ မဂ္ဂပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

၁၇။ ဈာနပစ္စယ

၁၇။ ဈာနပစ္စယော

 

                   ၁၇။ဈာနပစ္စယော=ကပ်၍စူးစူးစိုက်စိုက် ရှု့တတ်သည်ဖြစ်၍ ကျေးဇူးပြုတတ်သောတရား။

တောင်ထိပ်ဖျား၊သစ်ပင်ဖျားသို့တက်၍ ကြည့်သော သူသည် အနီးအဝေး အရပ်မျက်နှာတို့ကို ထင်ရှားတပ်အပ်မြင်ခြင်း၊ထိုမြင်ခြင်း၌ အလိုရှိသောသူအား ကျေးဇူးပြုသကဲ့သို့လည်းကောင်း၊ဈာန်ငါးပါး၊ကုသိုလ်ဈာန်စသည်တို့ကို စူးစူးစိုက်စိုက် အာရုံပြုလျှင် အမြင်မှန်တရားများရကာ နောက်ဆုံး နိဗ္ဗာန်ရောက်သည်အထိ အကျိုးပြုသကဲ့သို့လည်းကောင်း၊အဖန်ဖန်သုံးသပ်ခြင်းစသော တရားတို့သည် အတူဖြစ်ဖက် စိတ်တရား၊ရုပ်တရားတို့အား ထင်ရှားစွာ အောင်မြင်မှုကို ဖြစ်စေခြင်းဖြင့် ကျေးဇူးပြုခြင်းငှာ ဈာနပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

 

Photo Credit to

(http://www.auntytint21183.net/)

၁၆။ ဣနြ္ဒိယပစ္စယော

၁၆။ ဣနြ္ဒိယပစ္စယော

 

၁၆။ဣန္ဒြိယပစ္စယော=အစိုးရသည်ဖြစ်၍ ကျေးဇူးပြုတတ်သော တရား။
တိုင်းပြည်တစ်ပြည်အတွင်း၌ အသီးသီး ဆိုင်ရာကိစ္စ တာဝန်များကို ပေးအပ်ခြင်းခံရသော မင်း၊မှူးမတ်တို့သည် မိမိ၏တာဝန်များကို အသီးသီးခွဲဝေ၍ ပိုင်ပိုင်နိုင်နိုင် ဆောင်ရွတ်သကဲ့သို့ ဣနြေ္ဒ(၂၂)ပါးရှိရာတွင် စက္ခုနြေ္ဒဟူသော မြင်သိစိတ်သည် မြင်သိစိတ်အားသာ၊သောတိနြေ္ဒဟူသော ကြားသိစိတ်သည် ကြားသိစိတ် အားသာ အစိုးရခြင်းဖြင့် ကျေးဇူးပြုခြင်းငှာ ဣန္ဒြိယပစ္စည်းတရားကိုဟောတော်မူသည်။
 

 ( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/) 

၁၅။ အာဟာရပစ္စယော

၁၅။ အာဟာရပစ္စယော

 

၁၅။အာဟာရပစ္စယော=ထောက်ပံ့ခိုင်ခံ့စေတတ်သည်ဖြစ်၍ ကျေးဇူးပြုတတ်သောတရား။
ထောက်ကန်ထားသော အကူ ဒေါက်တိုင်သစ်သားသည် အိမ်အို၊အိမ်ဟောင်းအား လေဒဏ်၊မိုးဒဏ်ကြောင့် မလဲမပြိုစေရန် မြဲမြဲခိုင်ခံ့စေခြင်းငှာ ကျေးဇူးပြုသကဲ့သို့ ထို့အတူပင် ဆုံးဆယ့်တစ်ဘုံ၌ ရှိသော သတ္တဝါအားလုံးမှာ အသက်ဆက်၍ ရှင်သန်နိုင်ရန် အတွက် ရုပ်အာဟာရ၊နာမ်အာဟာရ နှစ်ပါးက ပံ့ပိုးထောက်ကူပေးခြင်းဖြင့် ကျေးဇူးပြုခြင်းငှာ အာဟာရပစ္စည်းတရားကို ဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၁၄။ ၀ိပါကပစ္စယော

 

၁၄။ဝိပါကပစ္စယော=အကျိုးရလာဒ်ဖြစ်၍ ကျေးဇူးပြုတတ်သောတရား။

တိုက်ခတ်လာသော လေပြေ၊လေညှင်း၊လေနုအေးသည် သစ်ပင်ကြီးများ၏ အရိပ်အောက်၌ နေသောသူအား ကိုယ်ရောစိတ်ပါ ချမ်းသာစေခြင်းဖြင့် ကျေးဇူးပြုသကဲ့သို့လည်းကောင်း၊ကုသိုလ်ကံတရားကြောင့် ကုသိုလ်၏ အကျိုးကို ဖြစ်စေတတ်သော လူဘုံ၊နတ်ဘုံတို့၌ ခံစားရမည့် အကုသိုလ်ကံတရားကြောင့် အကုသိုလ်၏အကျိုးကို ဖြစ်စေတတ်သော ငရဲဘုံ၊တိရိစ္ဆာန်ဘုံတို့၌ ခံစားစေသကဲ့သို့ ကျေးဇူးပြုခြင်းငှာ ဝိပါကပစ္စည်းတရားကိုဟောတော်မူသည်။

 ( ဒေါက်တာအရှင်ကောဝိဒစာရ )
 

Photo Credit to

(http://www.auntytint21183.net/)

၁၃။ ကမ္မပစ္မ္စယော

၁၃။ ကမ္မပစ္မ္စယော

 

၁၃။ကမ္မပစ္စယော=ပြုလုပ်စီခြင်းဖြင့် ဗီဇမျိုးစေ့ဖြစ်၍ ကျေးဇူးပြုတတ်သောတရား။
သစ်ပင်အပေါင်းတို့သည် ကောင်းစွာပြုပြင် စီမံအပ်သော မျိုးစေ့၊အညွန့်၊အညှောက်၏ အမူအရာသို့လိုက်၍ ကောင်းမကောင်း ကျေးဇူးပြုသကဲ့သို့လည်းကောင်း၊ကောင်းသောအမှုကိစ္စကို ပြုလုပ်ဆောင်ရွတ်သူအား ထိုအတိုင်းပင် ကောင်းကျိုးချမ်းသာများကို ရရှိခံစားပြီး မကောင်းသော အမှုကိစ္စကို ပြုလုပ်ဆောင်ရွတ်သူအား မကောင်းသော ဒုက္ခ၏ဆိုးကျိုးများကို ရရှိခံစားရမှာ ဖြစ်စေသကဲ့သို့ ကျေးဇူးပြုခြင်းငှာ ကမ္မပစ္စည်းတရားကိုဟောတော်မူသည်။
( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

၁၂။အာသေဝနပစ္စယော

၁၂။အာသေဝနပစ္စယော

 

 

၁၂။အာသေဝနပစ္စယော=အဖန်တလဲလဲ မှီဝဲအပ် ထုံမွှမ်းအပ်သည့်ဖြစ်၍ ကျေးဇူးပြုတတ်သောတရား။

ရှေးရှေး၌ ပန်းပေါင်းစုံတို့ဖြင့် စီမံရောပြွမ်းထားသော နံ့သာအား အမွှေးနံ့ အလွန်တိုးပွား ခိုင်မြဲစေခြင်းငှာ ကျေးဇူးပြုသကဲ့သို့လည်းကောင်း၊ရှေးရှေးက သင်ယူတတ်မြောက်ထားခဲ့သည့် စာပေကျမ်းဂန်များသည် နောက်နောင်မှ သင်ယူရသည့် စာပေးကျမ်းဂန်တို့ကို လေ့လာမှတ်သားခြင်းငှာ ထောက်ပံ့ကာ အခြေခံအတွက် အားကောင်း၍ ကျေးဇူးပြုသကဲ့သို့လည်းကောင်း၊ရှေးရှေးက အဖန်ဖန်ပြုလုပ်ခဲ့သောကုသိုလ်၊ အကုသိုလ်တရားများသည် နောက်နောင်မှ ပြုလုပ်သည့် ကုသိုလ်၊အကုသိုလ်တရားများအတွက် ကောင်းကျိုး၊မကောင်းကျိုးတို့ကိုတိုးပွားစေ၍ ကျေးဇူးပြုခြင်းငှာ အာသေဝနပစ္စည်းတရားကိုဟောတော်မူသည်။
  ( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

၁၁။ ပစ္ဆာဇာတပစ္စယောတိ

၁၁။ ပစ္ဆာဇာတပစ္စယော 

 

၁၁။ပစ္ဆာဇာတပစ္စယော=နောက်မှဖြစ်၍ ကျေးဇူးပြုတတ်သောတရား။

သားကောင်း၊သမီးကောင်းများသည် ဥစ္စာပညာ ပြည့်စုံ၍ မိဘတို့အား နောက်မှပြန်၍ လုပ်ကျွေးစောင့်ရှောက်ခြင်းဖြင့် ကျေးဇူးပြုသကဲ့သို့လည်းကောင်း၊အရှင်ဗာကုလ ရဟန္တာမထေရ် အလောင်းတော်သည် မွေးပြီးစ နို့စို့အရွယ်တွင် သမုဒ္ဒရာအလယ်၌ ရေထဲသို့ ကျသွားရာ ရေနစ်၍ မသေခဲ့ပါ။ထို့သို့မသေခြင်းသည် နောင်အခါ ရဟန္တာဖြစ်မည့် သတ္တိက အရှင်ဗာကုလမထေရ်အား မသေစေရန် အကျိုးပြုသကဲ့သို့လည်းကောင်း၊ရုပ်တရားတွေ လန်းဆန်းတည်တံ့ နေအောင် စိတ်တရားများက ထက်သန်မှုအပြည့်ဖြင့် နောက်မှနေ၍ ကျေးဇူးပြုခြင်းငှာ ပစ္ဆာဇာတပစ္စည်းတရားကိုဟောတော်မူသည်။

  ( ဒေါက်တာအရှင်ကောဝိဒစာရ )

 

 

Photo Credit to

(http://www.auntytint21183.net/)

၁၀။ ပုရေဇာတ ပစ္စယော

၁၀။ ပုရေဇာတ ပစ္စယော

 

 

၁၀။ပုရေဇာတပစ္စယော=ရှေ့၌ဖြစ်နှင့်၍ ကျေးဇူးပြုတတ်သော တရား။

ကမ္ဘာဦး၌ ပထမဆုံး အရင်ဖြစ်နှင့်သော နေ၊လတို့သည် နောက်မှဖြစ်သည့် သတ္တဝါအပေါင်းတို့အား အလင်းရောင်ပေး၍ ကျေးဇူးပြုသကဲ့သို့လည်းကောင်း၊မိဘတိုင်းသည် သားသမီးများထက် အရင်ဖြစ်နှင့်၍ ကျေးဇူးပြုသကဲ့သို့လည်းကောင်း၊ရှေ့မှဖြစ်နှင့်သော လျှာသည် အရသာအား နောက်မှဖြစ်၍ ကျေးဇူးပြုခြင်းငှာ ပုရေဇာတပစ္စည်းတရားကိုဟောတော်မူသည်။

                                              ( ဒေါက်တာအရှင်ကောဝိဒစာရ )
 

Photo Credit to

(http://www.auntytint21183.net/)

၉။ ဥပနိသယ ပစ္စယော

၉။ ဥပနိသယ ပစ္စယော

 

 

၉။ဥပနိဿယပစ္စယော=အားကြီးသော မှီရာအကြောင်းဖြစ်၍ ကျေးဇူးပြုတတ်သောတရား။

မိုးတွင်းအခါ ရွာသောမိုးကြီးသည် ထိုမိုးကို အမှီပြုကုန်သော သစ်ပင် သတ္တဝါ၊လယ်ယာမြေ၊တော၊တောင်အစရှိသည်တို့ အားကောင်းလာအောင် ကျေးဇူးပြုသကဲ့သို့လည်းကောင်း၊သဒ္ဓါတရားကို အခြေခံ၍ အမှီပြုကုန်သော ပုဂ္ဂိုလ်တို့သည် ဥပုသ်သီလစောင့်ထိန်းခြင်း၊သမထ၊ဝိပဿနာ၊ဘာဝနာများအားထုတ်ခြင်းကြောင့် မဂ်တရား၊ဖိုလ်တရားများနှင့် နိဗ္ဗာန်ရောက်အောင် ကျေးဇူးပြုသကဲ့သို့လည်းကောင်း၊ကံ၊စိတ်၊ဥတု၊အာဟာရဟူသော အကြောင်းတရားတို့သည် အားကြီးသော မှီရာဖြစ်၍ ပုဂ္ဂိုလ်သတ္တဝါတို့အား ချမ်းသာစေခြင်းဖြင့် ကျေးဇူးပြုခြင်းငှာ ဥပနိဿယပစ္စည်းတရားကိုဟောတော်မူသည်။

( ဒေါက်တာအရှင်ကောဝိဒစာရ )

 

Photo Credit to

(http://www.auntytint21183.net/)

စီးပွားရှာပါ

 

မေတ္တာရှင်ဆရာတော်ရဲ့ အဆုံးအမလေးပါ။နှစ်သက်လို့  Facebook မှာ share ထားတာလေးကိုကူးယူထားတာပါ။

၈။ နိသယ ပစ္စယော

၈။ နိသယ ပစ္စယော

 

မှီရာတည်ရာဖြစ်၍ ကျေးဇူးပြုတတ်သောတရား။

နောက်ဖြစ်ပေါ်လာသော သစ်ပင်စသည်တို့ကို မှီ၍ ဖြစ်ထွန်းရန်အတွက်
မြေကြီးသည် ပထမဆုံးအရင် ထောက်ပံ့ပေး၍ ရပ်တည်ရာဖြစ်စေသကဲ့သို့ ..
...
ရုပ်တရားသည် အာဟာရကိုမှီ၍ ကျေးဇူးပြုခြင်းငှာ နိဿယပစ္စည်းတရားကို
ဟောတော်မူသည်။

( ဒေါက်တာအရှင်ကောဝိဒစာရ )

Photo Credit to

(http://www.auntytint21183.net/)

 

ကမ္ဘာ့အချမ်းသာဆုံးလူ

             ငြိမ်းချမ်းစွာ ၊ တည်ငြိမ်စွာ ၊ ရင့်ကျက်စွာ နေနိုင်အောင်ကြိူးစားပြီးနေပါ့မယ်ဘုရား။

ရ။ အညမညပစ္စယော

 

ရ။ အညမညပစ္စယော

 

၇။ အညမညပစ္စယော။
•••••••••••••••••••
အချင်းချင်း အပြန်အလှန်မှီ၍ ကျေးဇူးပြုတတ်သောတရား။

သစ်သားသုံးချောင်းသည် မလဲမပြိုရအောင် ခိုင်မြဲစွာ တစ်ချောင်းနှင့်တစ်ချောင်း အမှီပြုသကဲ့သို့ . .
သိမှု၊ ခံစားမှုဟူသော ရုပ်တရား၊ နာမ်တရားတို့သည်လည်း အချင်းချင်း အပြန်အလှန်ကျေးဇူးပြုခြင်းငှာ အညမညပစ္စည်းတရားကိုဟောတော်မူသည်။

( ဒေါက်တာအရှင်ကောဝိဒစာရ )

 

Photo Credit to

(http://www.auntytint21183.net/)

၆။ သဟဇာတ ပစ္စယော

 

၆။ သဟဇာတပစ္စယော။
••••••••••••••••••••
တစ်ပြိုင်နက် အတူတကွဖြစ်၍ ကျေးဇူးပြုတတ်သောတရား။

ဆီမီးသည် ညှိထွန်းသည်နှင့်တစ်ပြိုင်နက် အလင်းရောင်နှင့် အတူတကွ
ဖြစ်ပေါ်စေသကဲ့သို့ . .
...
• ခံစားမှု ဝေဒနာ ဖြစ်သည်နှင့်တစ်ပြိုင်နက်
• မှတ်သားမှု သညာ၊
• ပြုပြခြင်းသင်္ခါရ၊
• အသိရှိမှု ဝိညာဏ်ဟူသော နမ်ခန္ဓာလေးပါးတို့ကို တစ်ပေါင်းတည်းအတူတကွ ဖြစ်စေခြင်းဖြင့် ကျေးဇူးပြုခြင်းငှာ သဟဇာတ ပစ္စည်းတရားကိုဟောတော်မူသည်။

( ဒေါက်တာအရှင်ကောဝိဒစာရ )

 

Photo Credit to

(http://www.auntytint21183.net/) 

၅။ သမနန္တရပစ္စယော

၅။ သမနန္တရပစ္စယော

 

 

၅။ သမနန္တရပစ္စယော။
•••••••••••••••••••
ကောင်းစွာ(အခြားမဲ့) တစ်ဆက်တည်း အကြားမရှိ အတားအဆီးမရှိ၍
ကျေးဇူးပြုတတ်သောတရား။

စကြာဝတေးမင်း တောထွက်၍ ရဟန်းပြုခြင်းသည် အကြီးဆုံးသော သားရတနာအား တစ်ဆက်တည်း အကြားမရှိ ကောင်းစွာ မင်း(ဘုရင်)
... ဖြစ်စေခြင်းငှာ ကျေးဇူးပြုသကဲ့သို့ . .
မြင်စိတ် သိစိတ် ကောင်းလျှင် ကောင်းသည်ဟုဝန်ခံခြင်း၊
မကောင်းလျှင် မကောင်းဟု ဝန်ခံခြင်းတို့သည်
စိတ်များ ဆက်ကာဆက်ကာ ဖြစ်ပေါ်လာအောင် အခြားမရှိ ဆက်၍ဖြစ်ခြင်း
ဖြင့် ကျေးဇူးပြုခြင်းငှာ သမနန္တရ ပစ္စည်းတရားကိုဟောတော်မူသည်။

( ဒေါက်တာအရှင်ကောဝိဒစာရ )
 

Photo Credit to

(http://www.auntytint21183.net/)